Հիմնադրվելով 1996 թվականին՝ «Ալֆա Ֆարմ»-ը շուրջ երեք տասնամյակ հաջողությամբ գործունեություն է իրականացնում դեղագործական շուկայում՝ զբաղեցնելով առաջատար դիրքեր Հայաստանում։ Ընկերությունը ներմուծում է դեղամիջոցներ և առողջապահական ապրանքներ ավելի քան 70 միջազգային առաջատար արտադրողներից՝ ներառյալ Եվրոպան, ԱՄՆ-ը, Ռուսաստանը, ԱՊՀ երկրները, Հնդկաստանը և այլ տարածաշրջաններ։ Միաժամանակ ակտիվորեն համագործակցում է նաև տեղական արտադրողների հետ։

«Ալֆա Ֆարմ»-ի լոգիստիկ կենտրոնը՝ 3600 քմ մակերեսով, հագեցած է ժամանակակից, ավտոմատացված պահեստավորման  և մշակման համակարգով՝ համապատասխանելով դեղերի պահպանման և բացթողման ոլորտում գործող բոլոր միջազգային չափանիշներին։ Այս ենթակառուցվածքը թույլ է տալիս կազմակերպել ապրանքների ճշգրիտ և արագ մատակարարում ավելի քան 600 դեղատների և 150 բուժհաստատությունների։

Ընկերության դեղատնային ցանցը՝ բաղկացած լինելով 180 դեղատներից, համարվում է Հայաստանի ամենամեծը և աշխարհագրորեն ամենասփռվածը։ Դեղատները գործում են Երևանի, Գյումրիի, Վանաձորի, Ստեփանավանի, Վայքի, Սևանի, Մարտունու, Աբովյանի, Հրազդանի, Արմավիրի, Արարատի, Կապանի և մի շարք այլ քաղաքներում՝ ընդլայնման շարունակական ծրագրով՝ ապահովելով հասանելիություն ամբողջ երկրի տարածքում։

«Ալֆա Ֆարմ»-ը գործատու է ավելի քան 900 աշխատակիցների համար՝ ներառյալ բարձրակարգ դեղագետներ, վաճառքի մասնագետներ, լոգիստիկայի և կառավարման ոլորտի մասնագետներ։ Նրանք բոլորն էլ մշտապես վերապատրաստվում են ընկերության ուսումնական կենտրոնում։ Մեր թիմի առաքելությունն է նպաստել հասարակության առողջ ապրելակերպին՝ ապահովելով հիվանդությունների կանխարգելման և բուժման արդյունավետ միջոցներ, մանկական սննդի ճիշտ ընտրություն, ինչպես նաև բարձրորակ կոսմետիկ և օպտիկական ապրանքների հասանելիություն։