Գլոբալ տաքացումը, ավանդական էներգակիրների սահմանափակ լինելը մարդկության համար լրջագույն մարտահրավերներից է։ Գլոբալ տաքացման հետևանքները կանխելու նպատակով մարդկությունը ձգտում է իր շուրջը ստեղծել էկոլոգիապես ավելի մաքուր և կանաչ աշխարհ: Այդ է պատճառը, որ վերականգնվող էներգիայի այլընտրանքային աղբյուրները լայն տարածում գտան աշխարհում, իսկ տարիներ անց նաև Հայաստանում:

2010թ․-ից ի վեր խնայողության տարատեսակ համակարգերի մշակման և տարածման գործում մեր մասնագետների ներգրավվածությունը 2016թ․-ին հանգեցրեց ՋիԷսԷս (GSS: Global Saving Systems, թարգմանաբար՝ ԸՆԴՀԱՆՈՒՐ ԽՆԱՅՈՂՈՒԹՅՈՒՆՆԵՐԻ ՀԱՄԱԿԱՐԳԵՐ) ընկերության ձևավորմանը, որի հիմնական նպատակն է Հայաստանում զարգացնել վերականգնվող էներգիայի ոլորտը: Իսկ երբ նույն թվականի վերջին կատարվեցին օրենսդրական բարեփոխումներ, ստեղծվեցին նպաստավոր պայմաններ մեր գաղափարներն ավելի արագ կյանքի կոչելու համար: Եվ արդեն շուրջ 7 տարի է մեր ընկերությունը հաստատուն քայլերով շարժվում է առաջ ...

Մեր շնորհիվ հարյուրավոր էներգասպառողներ՝ ՀՀ բոլոր մարզերում, դարձել են ինքնավար արտադրողներ: Ինչի արդյունքում նրանք զերծ են մնում էլեկտրաէներգիայի սակագնի շարունակական գնաճից և վերջին չորս և հաջորդ 25 տարիների ընթացքում մթնոլորտ չի արտանետվելու շուրջ 2.601.984 տոննա CO2: Ընկերության շարունակական աճին զուգահեռ ընդլայնվում է նաև մեր թիմը՝ օրեցօր ներգրավելով նոր գաղափարակիցներ և նրանց ընձեռելով հնարավորություններ դառնալ մրցունակ մասնագետներ: Հայաստանում խնայողության մեխանիզմների և վերականգնվող/այլընտրանքային էներգիայի մշակույթը տարածող կարևոր օղակներից մեկն էլ հենց մեր ընկերությունն է, որը մեծ հպարտությամբ ստանձնել է այդ պատասխանատվությունը: